Scagnu privatu di cunsigliu in Gistione è Management, Marc Simeoni Consulting sviluppa dipoi u 2000 suluzione tecniche diverse in lu scopu d’aiutà i so clienti, imprese è amministrazione, in la so ricerca di riescita.

U nostru scagnu, stabilitu in Bastia, sviluppa, sicondu à e brame di i so clienti, offerte parsunnalizate. A spertizia arricata, custituita cù una spirienza pruvata in parechji settori d’attività – in particulare turisimu, industrie agroalimentarie, servizii à l’imprese, bastimentu è travagli publichi – tocca à tutti i duminii principali di u management .U nostru scagnu mette in opara suluzione adatte di pettu à a cumplessità di u prugettu, senza utilizà metudulugie stereutippe.

L’intarvinzione pruposte sò assistate pè ogni cliente in lu scopu d’adattà si à l’urganisazione è à i prugetti singhi è sò arradicate in una cunniscenza fina di a specificità di u tarrenu ecunomicu isulanu. Fendu nostra una deuntulugia rigurosa è assicurendu u sicretu cumplettu, uparemu in lu rispettu tutale di l’intaressi di i nostri clienti è pratichemu a nostra attività cù l’indipendenza di spiritu a più maiò.

E prestazione pruposte da u nostru scagnu, rializate in cullaburazione cù una reta di spicialisti ricunnisciuti di l’ecunumia, di a gistione o di e discipline liate, si scrivenu in lu quadru di una ricerca di u megliu pà ciò chì tocca à u sviluppu rigiunale.